「你地唔系一直追杀紧我地嘅咩？宜家无端端又倾咩生意？」流主问
「老实唔呃你，我地接到一单大生意，可惜我地评估过，依个任务风险实在太高，单凭我啲手下，分分钟要蚀返b佢。」汪说
「咁关我地咩事？．．．既然个任务系咁危险，咪唔好接罗。」流主说
「做生意，最忌太过短视。」汪掏出一口香烟递向流主说：「你知唔知肥彭集团？」
流主举起手掌谢绝汪的香烟说：「未听过．．．」
汪点起香烟说：「肥彭集团系废土上最大规模嘅商队，佢地啲车上面全部都印住FAT-P依个字。我地都经常做佢地保镳。」
「．．．咁又点？」流主问
汪说：「佢地近排喺西北边睇中左块连接新界来往通道嘅地，想喺嗰度加设一个据点，将行商路线延伸到新界。」
「．．．咁又有咩问题？」流主问
「问题就系嗰度近排出现左一批叫做「Si亡爪」嘅怪物，根据我地向猫头鹰买嘅情报得知，Si亡爪原来系「大战」时期美国制造嘅生物兵器。」汪说
内容未完，下一页继续阅读