孖根说：「佢意思系，九龙湾嘅居民都系蝗虫。」
蛇小姐一脸无辜地摇头说：「唔系唔系！你地误会晒啦．．．」然後她微笑着续说：「我所指嘅蝗虫．．．系全人类。」
流主不禁感到有点不寒而栗：「．．．你想点？」
「哈哈哈．．．你地知唔知呀？地球呢，以前唔系咁。地球以前好靓，蓝天碧海、山明水秀．．．」蛇小姐一脸向往说着，然後突然又变狰狞：「．．．但系，就系人类依班蝗虫，不断咁破坏环境，W染地球，将地球迫入Si路．．．令地球永不超生．．．」
孖根说：「依啲已经系200年前嘅事，同宜家地球上嘅人类无关。」
蛇小姐反驳说：「唔通你认为，宜家嘅人类又好Ai惜地球，无再继续破坏地球咩？蝗虫就系蝗虫，江山易改，本X难移。」
流主说：「我相信唔系所有人类都系咁。」
「哈！」蛇小姐冷笑说：「已经200年啦，经历左一个咁大嘅教训，你地人类学识左啲咩？就系继续为一己私yu而发起战争，继续自相残杀，继续破坏地球，迫其他喺地球上居住嘅生命陪葬。」
「唔系所有人都系咁！」流主上前说：「就好似我咁，我同我朋友就系四出搵紧一个叫做伊甸园创造器嘅仪器去重建香港。所以，唔系所有人类都净系谂住破坏，有好多人类都依然坚持去重建地球！！」
内容未完，下一页继续阅读